2025 жылғы 28 ақпанда E-Qazyna электронды платформасында қайтарылған активтер болып табылатын 6 эксклюзивті сағат бойынша аукцион түріндегі сауда-саттық аяқталды.
Сауда-саттық ашық және әділ бәсекелестік жағдайында өтті, бұл активтердің ең жоғары нарықтық құнын қамтамасыз етті. Алайда 3 лот бойынша электрондық сауда-саттықтың күші жойылды. Жеңімпаз белгіленген мерзімде сауда нәтижелері туралы хаттамаға қол қоймағандықтан, олардың күшін жою туралы акт рәсімделді.
Қалған лоттар бойынша хаттамаларға қол қойылды. Тараптар 10 күнтізбелік күн ішінде сатып алу-сату шартын жасасады. Актив жеңімпазға тек шарт талаптарына сәйкес сатушының шотына толық төлем жасалғаннан кейін ғана беріледі.
Бұл активтерді сату E-Qazyna платформасында ұйымдастырылған сауда-саттыққа сатып алушылардың жоғары қызығушылығын көрсетеді және әділ баға белгілеуді қамтамасыз етудегі аукциондық механизмнің тиімділігін растайды.
Түскен қаражат Арнайы мемлекеттік қорға жіберіледі және одан әрі әлеуметтік маңызы бар жобаларды қаржыландыруға жұмсалады.
Осы аукцион қайтарылған активтерді басқару компаниясының тиімді жұмысын тағы бір мәрте дәлелдейді. «Қайтарылған активтерді басқару компаниясы» ЖШС келесі қағидаттарды қамтамасыз етеді:
Ашықтық – сауда-саттық туралы ақпарат барлық қатысушыларға қолжетімді;
Әділдік – активтер ең жоғары ұсынылған баға бойынша сатылады;
Жеделдік – мәмілелер қысқа мерзімде жасалады.
Компания қайтарылған активтердің тиімді пайдаланылуын қамтамасыз етеді және қоғамның оларды сату процесіне деген сенімін арттыруға ықпал етеді.