2025 жылғы 26 тамызда E-Qazyna электрондық платформасында қайтарылған активтерді сату бойынша аукциондық сауда-саттық өтті.
Сауда қорытындысы бойынша жалпы сомасы 336 379 теңге болатын 3 лот сатылды.
Белгіленген рәсімге сәйкес, сауда-саттық аяқталғаннан кейін 10 жұмыс күні ішінде жеңімпаз бен сатушы арасында сатып алу-сату шарты жасалып, мүлік тек толық төлем түскеннен кейін ғана тапсырылады.
Барлық түсім Арнаулы мемлекеттік қорға жіберіледі. Қор қаражаты әлеуметтік маңызы бар жобаларды – мектептер, ауруханалар, спорт нысандары мен инфрақұрылымды салуды қаржыландыруға бағытталады. Мемлекетке қайтарылған әрбір теңге ел игілігіне жұмыс істеуі тиіс.