2025 жылғы 6 наурызда E-Qazyna электрондық платформасында «Tiffany & Co.» сырғалары мен інжу тасы бар сырғалар, яғни қайтарылған активтер бойынша аукцион форматында сауда-саттық өтті.
Зергерлік бұйымдардың сатылуы азаматтардың әлеуметтік жобаларды дамытуға саналы түрде қатысатынын көрсетеді: аукционнан актив сатып ала отырып, олар елдің дамуына өз үлесін қосады.
Өйткені, түскен қаражат Арнайы мемлекеттік қорға аударылып, әлеуметтік маңызы бар бастамаларды қаржыландыруға бағытталады.
Бұл аукцион «Қайтарылған активтерді басқару компаниясы» ЖШС-нің тиімді жұмыс істейтінін тағы да дәлелдейді.
Компания қайтарылған активтерді тиімді пайдалануды қамтамасыз ете отырып, олардың сатылу процесіне деген қоғам сенімін нығайтуға күш салуда.