Корпоративтік басқару

«Қайтарылған активтерді басқару компаниясы» жауапкершілігі шектеулі серіктестігі Қазақстан Республикасының Азаматтық кодексіне, «Жауапкершілігі шектеулі және қосымша жауапкершілігі бар серіктестіктер туралы» (бұдан әрі – Заң), «Мемлекеттік мүлік туралы», «Заңсыз иемденілген активтерді мемлекетке қайтару туралы» (бұдан әрі – Қайтару туралы Заң) Қазақстан Республикасының заңдарына, Қазақстан Республикасының нормативтік құқықтық актілері және Серіктестіктің Жарғысы және өзге де заңдарға сәйкес құрылды.

Қазақстан Республикасының Үкіметі атынан Қазақстан Республикасы Қаржы министрлігінің Мемлекеттік мүлік және жекешелендіру комитеті Серіктестіктің құрылтайшысы болып табылады. Комитетке республикалық меншікке қатысты меншік иесінің құқықтарын іске асыру жөніндегі өкілеттіктер берілген және Серіктестіктің мемлекеттік қатысу үлестерін басқару жөніндегі функцияларды жүзеге асырады.

Қазақстан Республикасы Үкіметінің 2023 жылғы 21 қыркүйектегі № 824 қаулысымен жарғылық капиталына мемлекет 100% қатысатын «Қайтарылған активтерді басқару компаниясы» ЖШС құрылды.

ҚЫЗМЕТ ТҮРЛЕРІ:

қайтару туралы заңда және Қазақстан Республикасының басқа да заңдарында белгіленген тәртіппен қайтарылған активтерді басқару, олардың сақталуын қамтамасыз ету, сату.

СЕРІКТЕСТІКТІҢ МІНДЕТТЕРІ:

1. мемлекет атынан қайтарылған активтерді меншікке қабылдау;
2. мемлекет кірісіне айналдырылған активтердің сақталуын және ұсталуын қамтамасыз ету;
3. активтерге иелік ету;
4. активтерді сатудан түскен қаражатты арнаулы мемлекеттік қорға аударуды қамтамасыз ету.

БАСҚАРУ ОРГАНДАРЫ:

• жоғары орган – Жалғыз қатысушы;
• Серіктестіктің Байқау кеңесі;
• консультативтік-кеңесші орган – Қамқоршылық кеңес;
• бақылау органы – тексеру комиссиясы;
• атқарушы орган – Серіктестіктің Бас директоры.

Серіктестік органдарының құзыреті, сондай-ақ олардың Серіктестік атынан шешім қабылдау немесе сөз сөйлеу тәртібі Заңмен, басқа да заңнамалық актілермен және Жарғымен айқындалады.